Poems from ZNMD (Zindagi na milegi Dubara)

Gem of the poems written by Javed Akhtar and recited by Imran(Farhan Akhtar) in Zindagii Na Milegi Dobara (ZNMD)

POEM 1:- Dil aakhir tu kyun rota ha

Jab jab dard ka baadal chaya
Jab ghum ka saya lehraya
Jab aansoo palkon tak aya
Jab yeh tanha dil ghabraya
Humne dil ko yeh samjhaya
Dil aakhir tu kyun rota hai
Duniya mein yunhi hota hai
Yeh jo gehre sannate hain
Waqt ne sabko hi baante hain
Thoda ghum hai sabka qissa
Thodi dhoop hai sabka hissa
Aankh teri bekaar hi nam hai
Har pal ek naya mausam hai
Kyun tu aise pal khota hai
Dil aakhir tu kyun rota hai...



POEM 2 : Yeh jaane kaisa raaz hai

Ik baat honton tak hai jo aayi nahin
Bas ankhon say hai jhaankti
Tumse kabhi, mujhse kabhi
Kuch lafz hain woh maangti
Jinko pehanke honton tak aa jaaye woh
Aawaaz ki baahon mein baahein daalke ithlaye woh
Lekin jo yeh ik baat hai
Ahsas hi ahsas hai
Khushboo si hai jaise hawa mein tairti
Khushboo jo be-aawaaz hai
Jiska pata tumko bhi hai
Jiski khabar mujhko bhi hai
Duniya se bhi chupta nahin
Yeh jaane kaisa raaz hai...


POEM 3 : Yakeen

Pighle neelam sa behta ye sama,
Neeli neeli si khamoshiyan,
Na kahin hai zameen
Na kahin aasmaan,
Sarsaraati hui tehniyaan pattiyaan,
Keh raheen hai bas ek tum ho yahan,
Bas main hoon,
Meri saansein hain aur meri dhadkanein,
Aisi gehraiyaan, aisi tanhaiyaan,
Aur main...Sirf main.
Apne hone par mujhko yakeen aa gaya.


POEM 4 : Toh zinda ho tum

Dilon mein tum apni
Betaabiyan leke chal rahe ho
Toh zinda ho tum
Nazar mein khwabon ki
Bijliyan leke chal rahe ho
Toh zinda ho tum
Hawa ke jhokon ke jaise
Aazad rehno sikho
Tum ek dariya ke jaise
Lehron mein behna sikho
Har ek lamhe se tum milo
Khole apni bhaayein
Har ek pal ek naya samha
Dekhen yeh nigahaein
Jo apni aankhon mein
Hairaniyan leke chal rahe ho
Toh zinda ho tum
Dilon mein tum apni
Betaabiyan leke chal rahe ho
Toh zinda ho tum

Kaisi Hai Ye Udaasi chayee

Found a Apt song .... nice lyrics ... :)

Movie: Karthik Calling Karthik (2010)
Music Director: Shankar Mahadevan, Ehsaan Noorani, Loy Mendonsa
Lyricist: Javed Akhtar
Singer(s): Kailash Kher, Sukanya Purayastha



Kaisi hai ye udhaasi chaayee… mere dil
Kaisi geheri hai ye tanhaye… mere dil
Raahon mein yaadon ki khaamoshi barse
Ankhon mein jo gum hai aasu ko tarse
Ye bataa… ye kyun hua
Bujh gaya… kyun har diya
Kaisi hai ye udhaasi chaayee… mere dil
Aaaa aaaa aaaa…

Hoo
Jo bhi mila, woh kho gaya
Tujhko pataa hai aisa hi sada hota hai
Jaana hi tha woh jo gaya,
Dil tu akela aise kyun bhala rota hai
Bhoole jo hain tujhko ab unko bhool ja tu bhi
Warna mere saath yaadon ke zakhm kha tu bhi
Maan ja… ae dil mere
Bhool ja… shikwe giley
Kaisi hai ye udhaasi chaayee…

Hoo
Tu hi bataa e dil mere
Maine to hamesha tera hi kaha… maana hai
Kyun hai mujhe ye gum ghere
Mujhe umar kya bas yehi sazaa paana hai
Sapne buyo maine aur dard maine hai kaate
Gaaye geet maine aur paaye maine sanaate
Aarzoo… nakaam hai
Suni si… har shaam hai

Kaisi hai ye udhaasi chaayee… mere dil
Kaisi geheri hai ye tanhaye