Another original after quite a few days. Have written few more in between, but didnt find them as suitable and appropriate to share.Thema and mood even in this one is gloomy as it came out last night when I was feeling low :(. Now when I read this poem again I kind of liked it and hence decided to share with you all...
Don't forget to leave comments,feedback once you read this... :P
SHAYAD
Tujhe Dhoonda to Kahin Nazar Aayinahin,
Mere Karib hai tu Itni Shayad !1!
Raat Kat Jati hai par Neend Aati Nahin
Sote Sote meri aakhen thak gayi hai Shayad !2!
Judai teri Vish si hai Sang mere
Yeh bhi naa rahi to Jee bhi na sakun main Shayad !3!
Meri aakhon se Ojhal sahi, Dil se Ojhal hona nahin,
Tere vicharon ke bina Mar bhi na sakun main Shayad !4!
Andhere mein Diya – salai si hai teri yadein,
Na ho Yeh to ujaale ki umeed bhi na ho Shayad !5!
Tilism teri aakhon ka chamakta hai roz mere aage,
Tera juda hona bhi koi Jadu hi na ho Shayad !6!
Kya hua jo tune Judai maang li,
Itna begairat bhi nahin ki de na sakun who bhi Shayad !7!
Payar mera Taron sa tim-timata tha Kabhi,
Tuta tara bhi to ek Murad puri karta hai Shayad !8!
Tere jane ke badd bhi jee to rahein hain
Per yeh saansen Udhuri hi hai Shayad!9!
Tute taar ke Gitar si hai Jindagi meri
Dhun to aati hai par Besuri hai Shayad !10!
Tera sath jo lata tha pal pal ki khushi
Tera duur jana bhi meri Khushi ke liye ho Shyaad!11!
Khush hai tu, Jaan ke Khush Bahut hai ‘DIVAY’
Na sambhli yeh Khushi to Bora na Jaun main Shayad !12!
Calling it a poem may be injustice to word poem itself, so I will just call it few words I scribbled together..... Writing poems is not my cup of tea any more :( feeling very bad abu it... putting across this.. May be one of my last before I even stop putting words together.. If u get to read this please leave ur (genuine) feed back....please..
Its 3 at night this is one of the fastest completed poem(set of phrases).. straight 15 mins..
Din fir bhi kat jate hain lekin ratein kata nahin karti Mere iss jiddi dil ki pyas bina tere nahin bharti...
Jin din se gaya meri nazron se tera saya hai. Uss din se hi iss dil ne ye haal banaya hai
Roz yaad tum aati ho, kabhi dikhayi deti ho bheed mein kabhi vicharon mein samati ho kabhi meri kitab ke panno. to kabhi cinema ke parde se bahar aati ho
Har kitab har Kavita mein jikr sirf tumahara hai kanon mein padti hai tumhari aawaz, jaise tumne mujhe pukara hai
kal sath thi mere aaj nahin ho, farak nahin kuch humne mana hai pyar aaj bhi utna hi hai tumse, par aaj matlab iss pyar ka humne jana hai
Nazron ke samne na sahi, mann ke samne aaj bhi tum khadi ho, Karna sikhaya tumne mujhe pyar, tum aaj bhi khuda se badi ho
Vicharon mein, khayalon mein, sapno mein aati ho tum pehle se kahin jyada na hi pasand karta hun kissi or ko, na hi bana pata hun tumhe bhulane ka irada
Na lun juban se tera naam to din khatam hota nahin tum nahin sath mere . yakeen aaj bhi hota nahin
Mere aaj bhi ho tum baar baar tumhe Kehne ko jee karta hai Ho na jao tum kahin vichlit, iss baat se dil darta hai
Priyatma kahun,preysi kahun, priy kahun.. naam sabhi yeh tumhare hain.. maaf karna, Hridya mein utre hue har vichar humare- tumhare hain
Haal iss dil ne apna aisa kuch banaya hai "Divya", surat koi or bhali nahin lagti Gujar na jaye jab tak iss gaal se aasun,Neend mujhko nahin lagti..
Din to fir bhi kat jate hain lekin ratein kata nahin karti Mere iss jiddi dil ki pyas bina tere nahin bharti...
Wrote this one, on MSIT-IT farewell, I believe June, 11th 2006.. came across it today hence thought of posting it here.... not that good, but yeah special as related to colg life, wrote it 10 mins prior to reciting it in fromt of whole IT dept.. :P
Aaj waqt ki dehlej per khade ho kar hum gujre lamho ko yaad karte hain! He lamha najro ke samaksh hai hamare, woh beete samay ko hum aaj yaad karte hain!!
Aaj sankalan karte hain in chaar saalon ka humnekya khoya or kya paya Kuch dost,kuch yaaden,kuch rishte, kuch naate Jo yaad aane per,aankhon mein ashru chhod jate!!
Is gujarte lamhen se hum rukne ki fariyaad karte hain Aaj waqt ki dehlej per khade ho kar hum gujre lamho ko yaad karte hain!
Woh parties, woh nightouts woh jhagde woh ladai In sab ke beech hoti last night padahai!!
Woh Radhika ka sharmana, woh Nidhi ka itrana Who Rajat ka classes ke beech proxy lagana
Woh Charu ki kitaben, woh Heena ke notes Woh sari juniors sizzling and hot
Woh Chummi ke baal, who Neeraj ke gaal Woh Gaurav ke classes mein dher saare sawal
Atul ki modeling, Manni ki coding Ravish ki idding or Ayush ki driving
Hum aaj sab yaad karte hain!
Woh Canteen ki sharten, woh corridor ke chakkar Woh Saini ki ladkion se hoti bewajah takkar
Woh football ke match woh hostel ki raaten Woh hum sab mil ke besura gaate
Per aaj yeh sab khatam sa lagta hai……… Is gujarte lamhen se hum rukne ki fariyaad karte hain Aaj waqt ki dehlej per khade ho kar hum gujre lamho ko yaad karte hain!!
Aaj apne ek mitr ke blog ko chante hue humen pata chala ki woh apne astitva ko leke pareshaan hai unhe darr hai ki jo woh kar rahein hain shayad unke astitv ke vipreet hai. Padhte padhte hi humein yakeen hua ki woh apne astitv ko na khone denge kabhi or hum dua karte hai ki woh apna hisse ki kathnaiyan aaram se sehan karke aagey bad sakenge.Par yaka yak yeh sawal humein bhi satane laga ki humara astitva kya hai ?? kabhi tha ya nahin?? kahan kho gaya hai??
to humne socha astitva hi nahin hum kafi kuch kho chuke hain inn dino mein or inn pankiton mein apni talash ko peerone ki koshish ki hai, ummed hai pasand aayegi
PS. Writting after very long time so have lost touch but sure of getting it back soon.
Mera astitva kho gaya hai kahin sath tere
isliye tujhe dhoodne ke pehle khud ko dhoondta hun main ab
Woh hasi woh khushi jo chali gayi hai sath tere..
tera sath dhoodne se pehle woh apni muskaan dhoondta hun main ab
Mera ek kareebi dost bhi shayad gumshuda hai sath tere
woh dost dhoonde se pehle khud ko dhoondta hun main ab
Ek majboot kandhe ka sahara bhi gaya hai sath tere
woh sahara dhoondne se pehle apna bhari mann dhundta hun main ab
Phoolon se sajaye sapne bhi naraaz hai mujhse sath tere
woh sapne dhoondne se pehle aankhon mein neend dhoondta hun main ab
Jisse kabhi pyar kehta tha main, achal mein hi reh gaya sath tere
Pyar dhoondne se pehle woh rakth shodhak dil dhoondta hun main ab
Tere pallu mein lipat ke roya karta tha jo woh pal chala gaya hai sath tere
woh pallu se pehle apne dard ka ehsaas dhoondta hun mai ab
Teri jhulfon ki mahak jo mehkaya karti thi kabhi lapata hai sath tere
woh mehak dhoondne se pehle saorabh shakti dhoondta hun main ab
Tu kal tha aaj nahin hain kal bhi shayad na ho
par iss sab ke beech jeene ke mayne dhoondta hun main ab
Tera sath tere shabdo ke roop mein sath hai mere
par insab se pehle apni chetnya dhoondta hun mein ab
Woh mera jeevan jo tujhsa ho gaya tha chal diya hai sath tere
jeevan dhondne se pehle jeene ki chah dhoondta hun main ab
Maut aa jaye na kahin mere kareeb tujhse pehle,issi darr se jeene ki raah dhoodnta hun main ab.
Mera astitva kho gaya hai kahin sath tere
isliye tujhe dhoodne ke pehle khud ko dhoondta hun main ab
Well today after Convo. while seeing off my seniors I felt bit nostalgic and thought of writing this poem. So I am writing this poem dedicated to all my seniors and last 9 months spent with them. Disclaimer: Sorry for Using Direct, nick, call-names. If you don’t like any part please excuse me and take it in good spirit please. And due to time crunch and lack of my poetic ability I was not able to add name of each and every one of you but believe me I feel the same for all of you.
Nishaniyan
Jaaten hue rahi aksar chod jatein hai apni nishaniyan Jo peeche se bayan karti hain unki kahaniyan.
Mere jane wale varishthon ne bhi kari hain kuch baatein baar baar aayon karte hain unka vivran vistar
Mere har varisth ki thi alag baat har kissi ne banai thi alag hi tarah apni pehchaan
Woh kehna Dubey ka Sunai Diya woh poochna Bagla ka Placecom ka kaam kiya Kehna Maddy ka meeting mein time se aaya karo chahe aake yahan so jaya karo
Chajjar ki bhi thi apni alag hi kahani bus ussey aati thi sponsorship ki jubani
Who Nikunj ka ragging mein bina baat chilana uske sath Chandi ka bhi hero ban jana. Harbir ki daant who har baat pe lagana Lath ki watt
Karan ke sath ghoomte firangi woh SP ke kapde Kitne satrangi
Annunay ka SAXIM, Woh Bisu ka Maxim Woh PD ka poker woh Uncle ki Baxim
Woh kunal ki feni woh bhaina ki kheni Woh A & D ka milke B & C ki leni
woh JLT mein mashoor POm ka dance woh X-Cricket mein yaad aata Jadoo ka stance na jane kitne hi couple ka pala badha mature hua yahan romance
Woh Pahwa ka Band woh Pragyan ke nakhre
Jeetu Shama ki jodi sabko bhaye kissi ko na akhre
woh milan ka chalana himesh ke gaane, kyun raha Mayank(bajaj) itna chup koi na jaane
woh Mathur(Ankit) ka ulchana idhar udhar bina baat, woh katna sadko pe Gorti ka sari raat woh ladko ka B’day ke liye himmat jutana,Woh ladkiyon ka offer baar baar thukrana
woh Baba ka xsys woh Uday ka skill woh sabka Xstage mein contribution zero and nill
Woh vaishali ka IRC and karmyogi ka Ximhar
woh "FAMILY" ka aapas mein badhta hua pyar
Halwai ka karna woh sabse ladai woh Rohit ki hoti sirf library meinhi padhai Vandana and Ruchika ne sirf Kitabon mein hi apni aakhein gadai
Priya ka diagnosis karke sabko samjhana Woh Hota ka sabko PJ sunana Woh Vibhay ka status mesg ke thru hi batiyana.
Woh subhashish ka hamesha Ma-e-ri gana, Sila ka peeche se bhakti- bhajan gungunana Middha ka daru peke out ho jana Apni france ki fir kahani sunnana
Suchi ki kitabein or Ruchi ke notes Rmh Ki ladkiyan sizzling and hot.
Woh Glen Ka ‘Awesome’ woh Mohit ka “ life is zero sum“ Woh Kankariya ka kehna Hum nahi kissi se kam
Woh JLT ki raaton mein peena pilana Woh Prusthi or Dhillu ka gajab yarana Woh ladkiyon ka chobey ji ko haath dikahana Woh sonkhiya ka sote sote class top kar jana
Woh jena ka cricket woh Rawat ki volley Woh sabne milke jo jum ke kheli hai holi
Agar Do line na likhun to hoga mera Yeh Kavita likhna ek dum vayarth or bekar Who Mansi ka mujhe Hamesha padhana ek ki jageh 1.5 baar MBA kar jana Meri to abhi shuru hui hai mba lagta hai mujhe hai adhuri degree hi pana
Har cheez dil mein chod gayi hai apni nishani Bus chahata hun kabhi khatam na ho yeh kahanhi
Bus anth mein hum yehi kartein hai fariyad na bhoolna humein rakhna humesha yaad.
